洪永城今日（17/10）現身機場出席無綫（TVB）劇集《飛常日誌II》開鏡儀式。提到胡定欣與好友陳醫生早前驚爆完婚，正式拉埋天窗，有份撮合這段美好姻緣的洪永城接受《香港01》訪問時否認是幕後功臣，還謙虛地說：「唔好講呢啲啦，好小事啦，都係幫吓朋友啫，我等緊佢返嚟香港嘅呢一餐飯囉，佢唔需要畀利是我，請我食一餐非常好食嘅晚餐就得。」

洪永城獲蕭正楠讚湊B有一手。（葉志明攝）

被問到有否追問他們何時請飲喜酒？洪永城表示：「咁又冇喎，唔知佢哋返嚟香港未呢，還是佢哋仲喺紐西蘭嗰邊打緊網球，咁我又真係唔知。」

洪永城獲蕭正楠讚湊B有一手。（葉志明攝）

提到蕭正楠大讚他湊仔有一手，洪永城感驚訝：「佢又讚我咩？佢係咪飲醉咗酒啊？可以咁講蕭正楠一向都唔識睇人 ，二來我太多優點就唔使多講。不過我發覺佢哋兩公婆湊B開始好熟習，因為佢哋冇再喺我哋個group度問關於小朋友嘅嘢，相信佢哋而家都搞得掂。」

無綫劇集《飛常日誌II》開鏡儀式。（葉志明攝）

無綫劇集《飛常日誌II》開鏡儀式。（葉志明攝）

無綫劇集《飛常日誌II》開鏡儀式。（葉志明攝）


                                        
友情提示
本站部分转载文章，皆来自互联网，仅供参考及分享，并不用于任何商业用途；版权归原作者所有，如涉及作品内容、版权和其他问题，请与本网联系，我们将在第一时间删除内容！  
                                        
联系邮箱：1042463605@qq.com